Versus de Adelardo, abbate Corbeiensi in Gallia
Anonymous
BHL: N/A
Feast: January 2
- O Pater eximie, monachorum dux, Adalharde,
- Regia stirps alte Francorum dum genuit te,
- Mundum sprevisti pauper pro nomine Christi,
- Annos aetatis dum bis denos habuisti
- In Corbe veteri Benedicti iura subisti.
- Inde nova Corbe nostra pro Patre petisti
- Annis bis binis; post in patriam rediisti,
- Ac inibi plenus aetate fideque decorus,
- Vitam finisti sanctam, Pater inclite, Christi
- Lux octava fuit dum nonaque crastina luxit,
- Hora qua Christus moriens est in cruce fixus;
- Quem prece sincera pro nobis iugiter ora,
- Ut pietate sua nobis det gaudia vera.