Latin Hagiography
A preliminary digital legendarium

De Sethrida, virgine et abbatissa Brigensi in Gallia


Minorem vero filiam suam Edelburh, et filiam uxoris suae Setrid miserat rex Anna ad monasterium Bruges ad serviendum Domino. Quae utraque cum esset peregrina, merito virtutum Bregensis abbatissa effecta est. Tunc siquidem mittebant nobiles Angliae filias suas erudiendas in Bruge, et in Kala, et in Andilegum monasterio. Misit et Ercembert Bruges filiam suam Erchengotam Christi virginem sanctam et praeclaram. Cuius opera virtutum, cuius signa miraculorum ab incolis loci illius usque hodie narrantur.