De Claro, monacho Salighenstadiensi in Germania
Ex Chronicis monasterii Hirsaugiensis
Floruit circa annum Christi MXLIII Clarus monachus Sanctorum Marcellini et Petri in Selgenstadt Moguntinensis dioecesis, nostri ordinis, vir doctus et religiosissimae conversationis; qui in eodem loco pro Dei amore inclusus orationi et contemplationi vacans die ac nocte spiritum prophetiae consecutus asseritur. Cuius festus dies agitur Kalendis Ianuarii.