Carmen de Crispino III, episcopo Ticinensi in Italia
Magnus Felix Ennodius
BHL: N/A
Feast: January 7
Ex Carmine IX (Carm. Lib. 1) sive Panegyrico in Tricennalibus Sancti Epiphanii
- Crispinum petit inde libens, quem dicere digno
- Non datur eloquio, nec si modo surgat Averno
- Qui potuit rigidas de rupibus Apennini,
- Flumina cumstarent, ad plectrum ducere silvas.
- Helias fuit hic mage, nam quis Helisaeum
- Linqueret in terris, duplicato munere palmae
- Nutrivit quem lacte pio, quod ab ubere Paulus
- Pressit, Evangelicis plena est cui dextra papillis?
- Salve sancte parens; semper salvete recepti
- Crispini cineres, ad cuius iura redundat
- Quidquid in hoc Christi miramur dogmate dignum.